VII gün

VII günümüzü videodan da anlaşıldığı kimi Google serverlərindən biri olan Google drive(disk) in öyrənilməsi ilə başladıq.Bu serverlə müəyyən qədər tanış idim xüsusi ilə email vasitəsi ilə həcmi böyük faylları göndərərkən bu server çox köməyimə gəlmişdi. Lakin təlim zamanı Google drive-ın bəzi müsbət keyfiyyətlərini də öyrəndim. Məsələn: 

• Bu diskdə 15 KB qədər məlumat pulsuz saxlanıla bilər;
• Google disk vasitəsi ilə bütün məlumatlar zaman vəməkandan asılı olmayaraq əlimizin altında ola bilir; -evdə-iş yerində- yolda-təqdimatda
• Bu diskdə bütün fayllar təhlükəsiz şəkildə saxlanılır;
• Fayl üzərində bir neçə nəfərlə bir başa eyni zamanda işlənə bilinir

Mənim üçün ən maraqlısı sonuncu  - Fayl üzərində bir neçə nəfərlə bir başa eyni zamanda işləmək variantı oldu. Bunun əyanı tətbiqi isə məndə gələcəkdə lazım olarsa bu serverdən mütləq istifadəmi qətiyyətləndirdi.

Daha sonra təlimçimiz tərəfindən pedşuranın keçirilməsi prosesinə başladıq.Bu isə şəxsiyyətyönümlü təlimdə tədris standartlarına istiqamətləndirmə haqqındadır. Layihə üzərində şəxsiyyətyönümlü tədrisin standartlara uyğun olaraq səmərəli qurulması yolları ilə bağlı müzakirələrdə iştirak etdik.

Şagirdlərin İnternetdən istifadəsi onların bacarıqlarının təlim standartlarının tələblərinə və qoyulmuş məqsədlərə uyğun gəlməsi ilə nəticələnməlidir. Bu məşğələdə biz  XXI əsrin xüsusi bilik və bacarıqları - tədqiqat, ünsiyyət qurmaq, əməkdaşlıq və problemlərin həlli - daxil etməyin yolları üzərində müzakirələrə başladıq. Daha sonra həmkarlarımızla bu bilik və bacarıqları İnternet vasitəsilə necə gücləndirməyin yollarını tapmağa çalışdıq. XXI əsrin  bilik və bacarıqların siyahısını Layihə Planımızda qeyd etdik. 

Novbəti addımda təlimçımiz bizə texnologiyalardan istifadəyə aid hüquqi və əxlaqi qaydaların öyrənilməsi - müəlliflik hüququ haqqında geniş məlumatlar verdi. İnternetə giriş asan və online məlumatları sürətlə köçürmək imkanı olduğundan şagirdlər və müəllimlər İnternetdəki məlumatların çoxunun başqa birinə məxsus mülkiyyət olduğunu asanlıqla unuda bilərlər.Bu heç də etik deyil.  Mən də müzakirələrdə bu fikirlə tam razı olduğumu bəyan etdim.Bunu etməmək üçün hər bir resursun sonunda Resources bölməsi olmalı və hər kəs istinad etdiyi məlumatı mütləq qeyd etməlidir. 

Təlimimizi Bloqda təəssüratlarımızı yazaraq bitirdik.